Beituhlaup fellur niður sem átti að vera annað kvöld.

Næsta beituhlaupsæfing verður 22. ágúst. Staðsetning auglýst síðar.

Alþjóðleg hundasýning Hundaræktarfélags Íslands fer fram helgina 28. - 29. ágúst 2010 í Reiðhöll Fáks í Víðidal í Reykjavík.

Þátttökurétt hafa hundar sem eru með ættbók frá HRFÍ.

Skráning í afkvæma- og ræktunarhópa fer fram á sýningunni sjálfri. Þátttaka skal tilkynnt til viðkomandi hringstjóra.

Keppni ungra sýnenda fer fram föstudaginn 27. ágúst.

Upplýsingar um hvaða gögn þarf til að skrá hunda í ættbók má nálgast hér.

Dómarar að þessu sinni eru: Bo Skalin (Svíþjóð), Brenda Banbury (Bretland), Colm Beattie (Írland), Igor Selimovic (Króatía), Rita McCarry Beattie (Írland). Dómari ungra sýnenda verður Colm Beattie frá Írlandi.

Á þessari sýningu geta hundar fengið bæði íslensk- og alþjóðleg meistarastig.

Að venju er öllum deildum félagsins boðið að vera með kynningarbása þar sem kynning fer fram á starfsemi deildanna og þeim hundategundum sem þeim tilheyra.

Sýningar félagsins eru kjörinn vettvangur fyrir fólk sem er að leita sér að hundi/hundategund að koma og sjá og hitta eigendur og ræktendur tegunda.

Þeir sem hafa áhuga á að auglýsa í sýningaskrá geta nálgast upplýsingar hér.

Þeir sem vilja vera með sölu- og eða kynningarbás á sýningunni sjá hér.

Upplýsingar um sýningarþjálfun fyrir allar tegundir verður að finna hér.

Nú hafa undirrituð, Margrét Nilsdóttir og Sunníva Snorradóttir komið frá Svíþjóð þar sem við vorum í læri hjá mótshöldurum á alþjóðlegu beituhlaupsmóti einhverstaðar úti í buskanum í miðri Svíþjóð. Við fórum algerlega á eigin kostnað og við lærðum afskaplega margt. Vi höfum nú tækifæri til að gera æfingarnar fagmanlegri með öryggi hundana í fyrirrúmi. Strax á næstu æfingu (á morgun) verða gerðar breytingar fyrst og fremst með heilsu og öryggi hunda til fyrirmyndar.

* Hundar undir 12 mánaða fá ekki að hlaupa nema örfáa metra, kannski 3-5 metra (kostar 100,-)
* Hundar 12-15 mánaðar (whippet) og 12-18 mánaða (aðrar tegundir) fá ekki 2 heil hlaup, við metum einstaka hund
* Hundar sem eru i slæmu formi fá ekki að hlaupa bæði hlaupin og jafnvel ekkert ef við metum svo
* Lóðatíkur fá ekki að hlaupa
* Við skoðum alla hunda fyrir bæði hlaupin og ef við metum að hundurinn er ekki í standi t.d. vegna heltu fær hann ekki að hlaupa
* Ykkur ber að hita hunda upp og ganga þá niður fyrir og eftir hlaup, við aðstoðum hvert annað

Til að æfingarnar gangi sem hraðast fyrir sig er mikilvægt að ALLIR hjálpa til. Á næstu æfingu munum við skipuleggja hver eigi að gera hvað og treysta minna á eigin frumkvæði.

Þeir sem láta bílinn sinn ganga til að fá vélina til að virka fá frítt hlaup fyrir 1-2 hunda.
Þeir sem lána bílinn sinn/fjórhjólið/krossarann sinn í að þræða fá frítt hlaup fyrir 1-2 hunda.
Ef viðkomandi fær er ekki með hund á æfingu fær hinn sami viðeigandi upphæð fyrir bensíni/olíu.

Eftir næstu æfingu munum við panta múla, líklega seinnipart næstu viku. Hafið samband við mig varðandi mælingar ef þið mætið ekki á æfinguna á morgun. Það er auðvelt að mæla án þess að máta. Við munum nota áströlsku týpuna á Saluki og Afghanhundana.

Ég og Sunníva eru einar í beituhlaupsnefndinni eins og er. Við þurfum 2-3 áhugasama til viðbótar sem eru tilbúnir til þess að fræðast meira og aðstoða nefndina fyrst og fremst við undirbúning æfinga. EF nægilega mikið af nægilega áhugasömu fólki fæst stefnum við á Klúbbakeppni (án meistarastiga) í haust. En það er ekki hægt nema með fólki sem getur mætt á fundi, farið í Húsasmiðjuna, gúgglað allskonar, haft samband við fólk, verið með góðar hugmyndir og fyrst og fremst brennandi áhuga á að láta þetta sport vera komið til landsins til að vera :)

Næsta æfing verður í Kjósinni kl 11 í fyrramálið. Líklega á sama túni og venjulega, hringið í mig eða Sunnívu ef þið sjáið okkur ekki þar.

Vonumst til að sjá sem flesta :)

TALLLLYYYYYHOOOOOOOO!!!!!!!!!!!!!!